Kagem para tiyang ingkang suargi

Para sadherek kinasih, Gusti Allah ingkang makarya wonten ing donya lan swargi sampun nimbali sadherek kita bapak.............sowan mangarsa Gusti ing swarga. Sesarengan kaliyan umat lingkungan mriki. Kula, lan para romo Wedi nderek bela sungkowo awit sedhanipun bapak. Ugi, Panjenengan sedaya makempal wonten ing mriki sesarengan ngunjukaken sembhayangan kangge sadherek kita wau lan ngengkuyung brayat wonten ing mriki supados siap lan kiyat.

kita sedaya sajatosipun dipunemutaken menawi kita kedah pitados bilih gesang utawi pejah menika kagungan Dalem Gusti piyambak. Kita pitados bilih Gusti Yesus Kristus badhe nangekaken sadherek kita menika ing gesang langgeng manunggil kaliyan Allah ing swarga.

 Lan kita ya ugi ngajeng-ajeng badhe pinanggih malih kaliyan sadherek kita menika ing wanci Sang Kristus rawuh kanthi kamulyan ngempalaken sedaya mitra Dalem ing kraton Dalem Rama ing swarga. Wonten ing warso menika, Gereja sadonyo ngeriyayakaken Warso Welas Asih. Gusti Yesus maringanken kagge kita sedaya awit warsa Welas Asih menika sajatosipun dipungunaaken samaksimal mungkin kangge nulungi sadherek kita ingkang nyuwun pitulungan Gusti.

Milo kita sesarengan, kita nyuwun..wonten ing welas asih Gusti , mugi jiwa bapak.............. krana welas asih Gusti saget pinanggih kaliyan Pangeran Dalem. Kita pitados menawi welas asih Gusti saged nunggilaken kita wonten ing pasamuwan ingkang langgeng.